Командантот на руската армиска група Центар во Украина е сменет од функцијата.

Генералот Лапин го критикуваа чеченскиот лидер Рамзан Кадиров и шефот на „Вагнер“, Евгениј Пригожин. Само пред три месеци тој доби одликување од рускиот претседател Владимир Путин. Лапин е сменет од функцијата, изјави извор од Министерството за одбрана за „Москва тајмс“. Кадиров го критикуваше генерал-полковникот за „предавањето“ на Лиман.  Според Кадиров, без никаква борба во Лиман влегле пет оклопни транспортери и 50 украински војници.  Лапин (58) командуваше со Централниот воен округ  од 2017 година. Тој претходно го предводеше штабот на руската група во Сирија. На 4 јули, Лапин ја доби титулата Херој на Русија за неговото учество во заземањето на регионот Луганск.