Најмалку 32 лица загинаа во ледената бура што зафати девет американски држави во последните денови, според новиот официјален биланс на жртви. Многумина загинаа во сообраќајни несреќи поради мразот и слабата видливост. Најлошо беше во градот Бафало во западната држава Њујорк, каде 13 лица загинаа во снежното невреме, а некои жртви беа пронајдени закопани во автомобили или во снежни наноси. 

Според гувернерката Кети Хочул, Бафало го погоди најтешкото невреме во историјата и градот функционира како воена зона, па жителите се‘ уште се повикуваат да останат дома и да не излегуваат. Сепак, многумина ги игнорираа предупредувањата и забраните за движење на патиштата, оставајќи стотици возачи заглавени во своите автомобили во снежната бура. Тие дури повикаа и припадници на Националната гарда да помогнат во спасувањето. Во снегот се заглавени и многу машини за чистење снег и друга опрема. За помош во спасувањето, властите апелираа и до жителите кои имаат моторни санки дома и можат да помогнат во операциите за пребарување. 

Во екот на вонредната состојба, 1,7 милиони луѓе останаа без струја во текот на викендот, а многу летови беа откажани. Смртните случаи поврзани со временските услови беа пријавени и во Вермонт, Охајо, Мисури, Висконсин, Канзас и Колорадо. 

Во Монтана измериле минус 45 степени Целзиусови.

Во Канада најголем студ и снег има во провинциите Онтарио и Квебек, додека во западната провинција Британска Колумбија четворица патници загинаа во автобус кој излетал од патот поради мраз. 

Youtube - screenhsoot