Во руски ракетен напад на украинска железничка станица загинаа 22 лица, според Украина, на денот кога беа одбележани шест месеци од почетокот на руската инвазија и Денот на независноста на Украина.

Се вели дека пет жртви на нападот во источниот град Чаплин биле изгорени до смрт во нивното возило.

Убиено е и момче (11), јавува BBC.

Украинскиот претседател Володимир Зеленски изјави дека се повредени околу 50 лица.

Русија засега не даде никаков коментар. Таа постојано негираше дека целта била цивилна инфраструктура.

A Russian rocket strike on a Ukrainian train station has killed 22 people, Ukraine says, on the day marking six months since Moscow's invasion began
Hugo Bachega is in Kyiv for #BBCBreakfasthttps://t.co/agRbCU2W0i pic.twitter.com/tCyTw5wwwG

— BBC Breakfast (@BBCBreakfast) August 25, 2022

Зеленски рече дека дознал за нападот врз Чаплин во областа Дњепропетровск додека се подготвувал да разговара со Советот за безбедност, додавајќи: „Вака Русија се подготви за состанокот на Советот за безбедност на ОН“.

Да потсетиме, во април две ракети ја погодија железничката станица во Краматорск, при што загинаа повеќе од 50 цивили.

Украина ја помина средата прославувајќи го Денот на независноста, при што Зеленски претходно рече дека Русија може да направи нешто „сурово“ за да ги наруши прославите.