Европските акции се намалуваат повторно по првиот обид за обновување на последниот месец во средата, следејќи падови од синоќешната седница во САД, пренесува „Bloomberg“.

Паневропскиот индекс „Stoxx Europe 600“ се намалува за 1,6 отсто во Лондон. „Euro Stoxx 50“ се намалува за 2,3 отсто до 3 001 поени.

По новите падови на цените на нафтата американските берзи повторно преминаа на црвената територија. „Standard & Poor's 500“ вчера падна за 2,5 отсто, откако ниските цени на нафтата и стравувањата за глобалното економско забавување натежна на акциите пред објавувањето на голем број на финансиски извештаи. „Dow Jones“ ја заврши сесијата со пад од 2,2 отсто, а „Nasdaq“ загуби 3,5 отсто.

Европските акции избришаа 7,4 отсто од почетокот на годината поради стравувањата за Кина и цените на суровините. Денешниот пад го нагласува најлошиот почеток на годината за финансиските пазари. Изгледите за глобалниот раст на профитот исто така се влошуваат, со што аналитичарите почнуваат да ги намалуваат предвидувањата, покажува индексот на „Citigroup Inc“.

Во раната сесија во четвртокот германскиот „Dax“ загуби над 200 поени, и го прошири првичниот пад од над 2 проценти. Од почетокот на годината водечкиот германски индекс загуби 1 000 поени и се заземји на најниската позиција од октомври 2015 година.

Парискиот „САС 40“ се намалува за 1,14 отсто до 4 341,36 поени. Лондонскиот индекс „FTSE-100“ опаѓа со 1,17 отсто до 5 891,31 поени.

Најлошо во германскиот индекс се претставува „Lufthansa“. Авиокомпанијата загуби 4,4 отсто од пазарната капитализација поради нејзините тешкотиите да ја поврати повторно довербата на патниците кон нејзината ќерка компанија „Eurowings“. Експортноориентираните „BMW“ (-4,0 отсто), „Volkswagen“ (-3,7 отсто) и „Daimler“ (-3,6 отсто) се помеѓу сериозните губитници.

Во Франција „Alstom SA“ загуби 1,3 отсто, откако изјави дека договорите за следните девет месеци се уриваат за 22 отсто. Акциите на „Statoil ASA“ поевтинуваат за 2,2 отсто, откако компанијата се стекна со удел во „Lundin Petroleum AB“. За сметка на тоа шведската нафтена компанија забележа раст на берзанската оценка за 6,6 отсто.

„Burberry Group Plc“ додава 4,4 отсто, откако нејзините резултатите ги надминаа очекувањата на аналитичарите.