Долгорочната стратегија на Русија да се спротивстави на западните санкции и воениот притисок ќе доведе до тоа Европа да „експлодира одвнатре“, изјави за „Експрес“ Мајкл Роси, професор по политички науки на Универзитетот Рутгерс.

Роси смета дека рускиот претседател Владимир Путин добро ги предвидел геополитичките услови во иднина и затоа навреме реагирал.

- Русија ја игра долгата игра. Тие секогаш го прават тоа. Тие имаат ресурси, пари и дипломатски алатки за да се спротивстават на војната и санкциите, а овој метод на крајот ќе доведе до експлозија на Европа одвнатре - предвидува експертот.

Според Роси, речиси 600 дена по почетокот на конфликтот во Украина, дел од населението на западните земји почнало да доживува економски замор. За тоа придонесуваат зголемените трошоци за живот, предизвикани од рестриктивните мерки и воените операции, заклучи тој.

САД и ЕУ почнаа да воведуваат санкции кон Русија по почетокот на „специјалната операција“ за ослободување на Донбас од украинските националисти. Мерките, дизајнирани да и наштетат на руската економија, ги погодија првенствено САД и Европа и доведоа до пораст на цените на горивото и храната во овие региони.

Москва ги нарече дејствијата на Вашингтон и Брисел како економска војна, но посочи дека се подготвени на такво сценарио.