Познатата актерка Пита Вилсон своевремено изјави дека рускиот претседател Владимир Путин се обидел да ја заведе, што предизвика лавина коментари во светската јавност.

Пита се прослави со улогата во серијата за тајните агенти „Никита“ пред повеќе од 20 години. Актерката е во уште неколку филмови, а потоа во 2012 година реши да се повлече од јавниот сектор и да започне приватен бизнис.

Таа беше поврзана со актерите Расел Кроу и Ден Вили, фронтменот на Ролинг Стоунс Мик Џегер, а од 1997 година е во брак со режисерот Демијан Харис со кој го има синот Марлоу.

Во една прилика, таа раскажа како била на Меѓународниот филмски фестивал во Москва во 2002 година, каде што се обидел да ја придобие ни помалку ни повеќе туку Владимир Путин. Тие се нашле сами во собата, откако Путин им наредил на сите да ја напуштат просторијата, а тој, како што истакнала, се обидел да ја заведе - со дијамантско ланче.

- Ми се додворуваше, беше напорен. Ме хранеше и ми раскажуваше за вотката. Моето момче беше до мене, но кога погледнав назад, го немаше. Тоа беше вистински кошмар – ја опиша Пита нејзината тогашна средба со рускиот претседател.

По оваа нејзина изјава која ја шокираше светската јавност се огласи и тогашниот прв човек на фестивалот и водител на вечерата Никита Михалков кој ги демантираше нејзините изјави.

Тој рече дека Пит може само да сонува и да се чувствува привилегирана ако Путин и се нафрлал, но дека тоа не е така, и дека не и дал огрлица, туку привезок спонзориран од златарница. Михалков изјавил дека актерката толку се опила што флертувала со претседателот пред својот вереник, а Путин „секогаш ги почитувал пијаните жени и не сакал да ја искористи“. Исто така, Вилсон наводно станала толку тешка, што обезбедувањето морало да ја избрка.

На фотографиите од тоа време може да се види дека актерката навистина била во друштво на Путин и дека на споменатата вечера љубезно разговарале и флертувале, а врз основа на нивните широки насмевки може да се заклучи дека навистина уживале.