Рускиот претседател Владимир Путин задоцнил речиси еден час на средбата со папата Фрањо во среда, пишува весникот „католик њуз сервис“.

Не е јасно кои се причините за доцнењето. Изданието прецизира дека личниот секретар на Фрањо монсињор Георг Генсваин излегол да го пречека рускиот претседател во 17,25 часот, а Путин пристигнал во 18,10 часот. Пред тоа Путин се состана во Милано со италијанскиот премиер Матео Рензо и го разгледал „Експо 2015“, од каде тргнал за Ватикан. И покрај забавувањето, што е ретко нарушување на протоколот, Фрањо се поздравил со Путин на германски јазик.

Рускиот претседател го знае добро германскиот јазик од шпионската активност во ГДР. Според Ројтерс папата бил резервиран и нагласено официјален при пречекот на Путин. Аудиенцијата траела 50 минути. Фрањо го повикал Путин и сите други групи во конфликтот во источна Украина да вложат искрени напори за постигнување мир.

Путин му подарил на папата ѕид панел со слика на храмот „Христос Спасител“ и неколку тома на православната енциклопедија. Фрањо пак му подарил медалјон со Ангелот на мирот. „Евангелието внесува светлина во нашите животи и радост и таму има геополитички размислувања за нас и нашиот живот“, изјавил папата Фрањо.

Путин ја завршил вечерта во Рим, и имал средба со поранешниот премиер Силвио Берлускони, кој дошол лично на аеродромот пред рускиот претседател да слета.

Во исто време, Европскиот парламент гласа за резолуција според која Русија веќе не е стратешки партнер на ЕУ поради нарушувањето на демократските принципи.