Рускиот претседател Владимир Путин во телеграма изрази сочувство до сопругата и мајката на починатиот поранешен премиер на Јапонија Шинзо Абе, објавено е на веб-страницата на Кремљ.

- Почитувана г-ѓа Јоко Абе, драга г-ѓа Акие Абе, ве молиме примете го моето најдлабоко сочувство за смртта на вашиот син и сопруг Шинзо Абе... Ви посакувам вам и на вашето семејство сила и храброст да се соочите со оваа тешка, непоправлива загуба, се вели во телеграмата на Путин.

Претседателот на Русија, изразувајќи сочувство за смртта на Абе, истакна дека раката на злосторник го завршила животот на исклучителен политичар кој направил многу за да се развијат добрососедските односи меѓу Русија и Јапонија.

– Раката на злосторник му стави крај на животот на исклучителен државник кој долго време беше на чело на владата на Јапонија и направи многу за развивање на добрососедските односи меѓу нашите земји – се наведува во телеграмата.

Путин истакна дека одржувал редовни контакти со Абе, во кои во целост се манифестираат одличните лични и професионални квалитети на поранешниот премиер на Јапонија.

– Светлиот спомен на овој исклучителен човек засекогаш ќе остане во срцата на сите што го познаваа – нагласи рускиот лидер.