Рускиот претседател Владимир Путин предупреди во понеделникот дека не треба да се шпекулира за наводни посебни права на било која нација на Крим.

 -Сите шпекулации на тема било какви посебни права на граѓаните, кои припаѓаат на одредена националност, одреден етнос, ги сметам за исклучително опасни-рекол Путин во текот на работнтата посета на Крим при средбата со претставници на кримските национални здруженија.

 Потребно е да се штитат правата на сите жители на Крим и Севастопол, независно од тоа дали тие се Руси, Украинцим кримски Татари или претставници на други етноси-рекол рускиот претседател.

Путин истакнал дека „мудроста на кримските Татари“ ќе им оневозможи на „професионалните борци“ чии амбиции немаат ништо заедничко со интересите на кримско-татарскиот народ да ја дестабилизираат состојбата.

 Руската агенција пренесува и дека Путин ветил дека ќе го разгледа прашањето на поедноставување на одобрувањата на државјанства од Русија за кримските Татари, кои се враќаат од странство и одамна живеат на Крим, но немаат уредна регистрација.

 Темата на меѓунационалните односи е деликатна и претставниците на властите треба да дејствуваат внимателно и низ дијалог, рекол тој, изразувајќи уверение дека на Крим, како и во цела Русија, е потребно да се посветува непрестајно внимание на јакнење на мирот и слогата, како и обединување на напорите на државите и цивилното друштво.