Рускиот претседател Владимир Путин заврши со пријателски пораки и позитивен тон по средбата со американскиот колега Доналд Трамп за кого смета дека е поинаков во живо отколку што е прикажан во медиумите. 

Путин по завршувањето на конференцијата на самитот Г20 и приватната средба со Трамп смета дека е поставен добар темел за градење на меѓусебни односи бидејќи соработка меѓу Русија и САД е неопходна. 

И додека Путин верува во подобра иднина во САД владее хистерија, на Трамп му наоѓаат бројни забелешки, од тоа како се поставил на средбата со мал тим и недоволно политчко искуство до неговата наивност дека Русија може да биде пријателска земја за која сега сметаат дека е активен противник на нивните интереси. 

По состанокот, американскиот и рускиот претседател потврдија дека е договорено примирје на југозападот на Сирија.