Сиромашните добија само 3 отсто од украинското жито, другото отиде во ЕУ, вели рускиот претседател Владимир Путин. 

Тој рече дека житото не стигнало до земјите на кои им е потребно.  Путин кажа дека Русија има намера до крајот на годината да испорача 30 милиони тони жито на земјите на кои им е потребно, а има намера и да ги зголеми тие испораки на 50 милиони. Како што наведе тој, годинашната реколта во Русија била добра.

„Од 87 бродови што ги напуштија украинските пристаништа со жито, 32 останаа во Турција. И мислам дека тоа е апсолутно нормално, бидејќи Турција е организатор на тој процес и има право на тоа. Во Републиката беа испратени три брода од Јужна Африка, три во Израел, седум во Египет, 30 во ЕУ и само две за најсиромашните земји според ОН, имено Јемен и Џибути. Тоа се 60 илјади тони, или само три проценти“, наведе Путин, соопшти „Спутник“.

Извозот на жито се одвива со посредство на Турција и ОН. Рускиот претседател додаде и дека Русија е подготвена бесплатно да испорача ѓубриво до земјите во развој.

Договорот, кој има за цел да помогне во извозот на украинска и руска храна и ѓубрива на светските пазари е потпишан на 22 јули во Истанбул, со посредство на ОН и Турција.

Инаку, во Африка веќе има смртни случаи поради глад. Сомалија е во критична состојба.  Таму над 700 деца починаа од глад.