Рускиот претседател Владимир Путин изјави дека Русија не треба да ја обвинуваат за војната во Украина. Вели дека двете земји ја делат трагедијата. На средбата со високите воени претставници, тој додаде дека Украинците и натаму ги гледа како братски народ.

„Конфликтот е резултат на политиката на трети земји, не на руската политика“, тврди рускиот претседател.

Тој го обвини западот дека им го испрал мозокот на постсоветските републики, почнувајќи од Украина.

„Секогаш сме ги сметале Украинците за братски народ и сè уште го мислам тоа“, изјави Путин.

Рускиот претседател вели дека „специјалната воена операција“ ќе продолжи и во 2023 година. 

Министерот за одбрана Сергеј Шојгу истовремено препорача да се зголеми возраста за задолжително служење војска од 27 на 30 години. Тој најави дека руската војска ќе се зголеми од милион на 1,5 милиони припадници, вклучувајќи 695.000 доброволни војници. 

Жестоки борби се водеа и допрва ќе се водат во Бахмут. 

фото АП