Претседателот на Русија, Владимир Путин издаде наредба за формирање  на Национална гарда во рамки на Министерството за внатрешни работи.

Гардата ќе се бори против тероризам и организиран криминал.

„Донесовме одлука за создавање на ново федерално тело, во рамки на Министерството за внатрешни работи, кое ќе се вика Национална гарда. Ќе ги обавуваат и работите кои сега ги вршат специјалните единици за разбивање на демонстранти и слично“- вели Путин.

Гардата ќе биде формирана од силите на полицијата. За директор на Федералната служба на војските на Националната гарда е назначен Виктор Золотов, се наведува во декретот на претседателот, што е објавен на сајтот на Кремљ. Путин додаде дека службата за контрола на наркотици и миграциската служба во иднина ќе му бидат потчинети на Министерството за внатрешни работи.