Рускиот претседател Владимир Путин денеска изјавил дека авионската несреќа во која загинале 224 лица на враќањето во Санкт Петербург од Египет, е незапаметена трагедија.

„Би сакал уште еднаш да им изразам сочуство на семејствата и роднините на жртвите. Тоа е голема трагедија. Ние сме со вас, со нашите срца и души, ја чуствуваме вашата болка“, рекол Путин.

Според неговите зборови „во време на такви трагедии и во такви часови, е многу важно да се почуствува рамото на блиските и целата земја да сочуствува со огромната катастрофа“.

Путин побара и темелна истрага за падот на авионот на руската компанија „Когалимавија“ во Египет.

„Без никакво сомнение, се треба да се направи да ја реконструираме објективната слика за тоа што се случило, така да можеме да дознаеме што се случило и да реагираме во согласност со тоа“, рекол Путин.