Рускиот претседател Владимир Путин посети една од командните пунктови на Западната воена група и учествуваше на состанок со воените раководители. Тој ги слушна деталните извештаи за ситуацијата во различни насоки, вклучително и околу Купјанск, информира прес-секретарот на Путин, Дмитриј Песков.

На состанокот присуствуваа началникот на Генералштабот, началникот на Главната оперативна дирекција, командантот на Јужната група сили и командантот на Западната воена група.

„Претседателот Путин ги слушна деталните извештаи за ситуацијата во Константиновка и во насока Краматорск. Командантот на Западната воена група зборуваше за ситуацијата околу Купјанск“, прецизираше тој.

Врховниот командант рекол дека сите задачи кои биле поставени на претходната таква средба на 25 октомври се исполнети.

Украинскиот претседател Володимир Зеленски го примил нацртот на новиот американски мировен план за Украина и ќе разговара со американскиот колега Доналд Трамп во следните денови, соопштија од кабинетот на украинскиот претседател.