Претседателот на Руската Федерација Владимир Путин денеска упати писмо до сите граѓани на Русија, по повод празникот што оваа сабота се слави во таа земја.

Празникот е посветен на спортистите, а рускиот претседател писмото го објави на својата официјална веб-страница.

Во него на спортистите, но и на останатата јавност им го порача следново:

„Драги пријатели,

Ви го честитам Денот на физичката култура.

Основан во 1939 година, овој празник обединува луѓе од различни возрасти, професии и хоби околу своите задачи и цели, бидејќи ги промовира вредностите на физичката култура, здрав и активен начин на живот, основање и развој на спортски тимови и доброволни спортски друштва, секции и кругови. И, се разбира, овој празник со право се поврзува со масовни натпревари, јавни спортски настани, фестивали и паради на спортисти.

Добро е што денес овие прекрасни традиции се зајакнуваат и збогатуваат со нови идеи и иницијативи. Се подобрува спортската инфраструктура во градовите, никнуваат модерни стадиони, тренинг центри и места за рекреација, се модернизираат училишните сали и игралишта, а се зголемува нивото на обука на тренери и ментори.

Убеден сум дека мора да се продолжи со таков широк, сестран пристап кон спортот. Важно е секој да најде активност што му се допаѓа и да избере спорт.

На сите им посакувам успех, среќа и се најдобро,

Владимир Путин“.