Претседателот на Русија, Владимир Путин се извини на Израел за изјавата на рускиот претседател Сергеј Лавров за Хитлер и Евреите. 

Според израелскиот новинар, Барак Равид, кој се повикува на соопштение од кабинетот на израелскиот премиер, Владимир Путин денеска му се извинил на Нафтали Бенет за изјавите на Сергеј Лавров. Оваа изјава ја оценија како скандалозна. 

„Премиерот го прифати извинувањето на претседателот Путин за изјавите на Лавров и му се заблагодари за појаснувањето на односот на претседателот кон еврејскиот народ и сеќавањето на Холокаустот“, се вели во соопштението од кабинетот на Бенет кое го пренесе „Вашингтон пост“.

Во интервју за италијанска телевизија во неделата Лавров изјави дека нацистичкиот диктатор Адолф Хитлер имал еврејски корени, додавајќи дека „најжестоките антисемитисти обично се Евреи“. Во тој контекст го спомена и украинскиот претседател Володимир Зеленски. 

Следуваше реакција од Израел. Израелскиот министер за надворешени работи изјавата на Лавров ја нарече непростлива и скандалозна, а на разговор беше повикан и рускиот амбасадор во Израел. Израел исто така побара и извинување од Русија.