Рускиот претседател Владимир Путин смета дека новите санкции кои ги наметна Сенатот на САД против Русија нема да „ја притиснат земјата во ѕид“, но ќе им наштетат на билатералните односи.

– Сигурно ќе биде наложено да коригираме нешто, да направиме нешто дополнително, на нешто да обрнеме дополнително внимание, но тоа нема да не турне во ќор-сокак или во некаков колапс, увери рускиот претседател.

– Сепак, природно ќе ги отежни руско-американските односи, според мене тоа е штетно, предупреди тој.

Засега Путин воопшто не размислува за повратен одговор со мерки кои би им нанеле тешкотии на американските граѓани и компании, но таа опција не е исклучена за понатаму.