Рускиот претседател Владимир Путин изјави дека Русија и САД се блиску до склучување на договор за борба против терористите во Сирија, што би било огромен чекор кон прекин на граѓанската војна, која поплави Европа со бегалци и помогна за подемот на ИСИС.

„Лека-полека се насочуваме во вистинската насока“, рекол рускиот претседател во интервју за „Bloomberg Television“ од Владивосток. „Не ја исклучувам можноста да договориме нешто во блиска иднина и да го претставиме договорот пред меѓународната заедница“.

Путин, жестокиот противник на американската надворешна политика, го пофалил државниот секретар Џон Кери, чие „трпение и стремежот“ за постигнување договор пред мандатот на Барак Обама да заврши. Русија и Турција - земја-членка на НАТО и главен поддржувач на некои бунтовници, кои се борат против сирискиот претседател Башар Асад, исто така ги израмнуваат позициите во конфликтот, рече тој.

САД и Русија ги засилуваат напорите да најдат заеднички позиции за Сирија, каде што неколку земји и неколку екстремистички и бунтовнички групи се борат една со друга од пет и пол години. Русија влезе во конфликтот минатата година на земјата на Асад, стартувајќи воздушни и поморски напади. Стотици илјади луѓе ги загубија своите животи во конфликтот, а милиони бегаат.

САД, кои на крајот го сакаат отстранувањето на Асад, предложиле формирање на Група за заедничка акција во близина на Аман, Јордан, во која САД и Русија ќе координираат воздушни напади против сириски бунтовнички групи, кои и двете страни ги сметаат за терористи, покажува предлогот, добиен од „Washington Post“.

Во последните неколку месеци Кери води континуирани средби со рускиот колега Сергеј Лавров, а понекогаш и со самиот Путин. За време на состанокот на Г20 во Кина овој викенд може да има дискусија и меѓу Обама и Путин.

Клучна загриженост за Русија е дека групата Нусра на поранешната Ал Каеда, која неодамна го смени името на Джабхат Фатах ал-шам, во многу случаи се здружуваат со умерени бунтовници поддржани од САД.

САД тврдат дека Русија, која започна воздушна кампања во Сирија од минатиот септември, има за цел умерени бунтовници под изговор дека се терористи. Русија, од друга страна, вели дека САД се обидуваат да престанат со ударите против терористичките групи поради загриженоста дека поддржани бунтовници од нив ќе бидат погодени.

„Разговорите беа многу тешки“, вели Путин. „Еден од клучните проблеми е дека ние инсистираме, а нашите американски партнери се противат на тоа дека т.н. корисен дел од опозицијата треба да биде одвоена од радикалните групи и терористичките организации“.