Турскиот претседател Таип Реџеп Ердоган кој од почетокот на Рускјата инвазија врз Украина важи како посредник во постигнувањето некаков мировен договор меѓу двете земји, денеска при враќањето од посетата на Азербејџан изјави дека рускиот претседател станува „помек“ и дека е поподготвен да преговара.

Денеска тој разговараше со новинарите во авионот во кои се враќаше од патувањето и сугерираше дека рускиот претседател во последно време е многу поподготвен за мировни преговори отколку порано.

Ердоган рече дека се уште се надева дека може да се постигне мировен договор, додавајќи: „Видов дека Путин е многу помек и поподготвен да преговара на оваа тема отколку порано“.