Руските сили се обидуваат да ги окупираат источните украински области повеќе од три месеци, но Украинците пружаат несмален отпор и покрај нееднаквиот однос на силите и благодарение на воената помош на Западот.

Во тек се жестоки битки за Северодонецк во Луганск. Северодонецк и соседниот Лисичанск се последните поголеми градови во регионот Луганск кои се уште се под контрола на Киев.

Окупацијата на Северодонецк и Лисичанск ќе и овозможи на руската армија да стигне до административната граница на регионот. Оттаму, потоа би можел да напредува позападно, кон Краматорск, вториот административен центар во регионот Доњецк. Краматорск е еден од последните големи индустриски градови во Донбас, кој се уште е целосно под контрола на Киев.

Воениот историчар Филип О'Брајан изјави дека Русите наскоро би можеле да понудат прекин на огнот, пишува „Билд“.

Кога руските трупи ја нападнаа Украина на 24 февруари, планот на Путин беше да ја окупира земјата во „Блицкриг“. Руска армија од 100.000 луѓе ја нападна Украина од три правци во исто време. Но, планот пропадна, па на почетокот на април Русите ја префрлија офанзивата во источна Украина. Овде, нивните трупи се движат стабилно, иако многу бавно.

Британското Министерство за одбрана во неделата соопшти дека иако руските сили напредуваат во источна Украина, тие придобивки се „бавни и скапи“ како дел од руската „стратегија за исцрпување“, објави CNBC, истакнувајќи дека „специјалната воена операција“ веќе се одолговлекува повеќе од 100 дена..

О'Брајан истакнува дека руските методи потсетуваат на Првата светска војна и се „многу неефикасни“.

-Поради големите загуби на воен материјал едноставно немаат можност брзо да напредуваат. Русите и да успеат да „пробијат дупка“ во одбранбените линии, ретко можеа да го искористат тоа и да добијат предност - изјави тој за швајцарскиот „Сонтагсцајтунг“.

– Генерално, може да се забележи дека борбената активност во Украина опаѓа и руските војници повеќе не можат да учествуваат во долгата војна – рече експертот.