Рускиот претседател Владимир Путин денеска им го честиташе Денот на победата на граѓаните на Русија, нагласувајќи дека цивилизацијата повторно е на пресврт. Поведена е војна против Русија, но ние го победивме тероризмот, па ќе се справиме и со ова“, рече Путин на Парадата на победата на Црвениот плоштад.

Тој посочи дека Русија сака мирна и стабилна иднина и дека секоја идеологија на супериорност е неприфатлива. „Битките што ја решаваа судбината на нашиот народ отсекогаш биле свети, ние сме горди на оние кои учествуваат во специјална воена операција“, рече Путин.

Во Москва денеска почна воена парада по повод 78-годишнината од победата во Големата патриотска војна. На парадата присуствуваат рускиот претседател Владимир Путин, како и лидерите на Белорусија, Киргистан, Таџикистан, Узбекистан, Ерменија и Казахстан.