Во телата на жртвите од авионската несреќа во која загина поранешниот шеф на Вагнер, Евгениј Пригожин, пронајдени се фрагменти од рачна граната, изјави Владимир Путин.

Пригожин загина во авионска несреќа северно од Москва на 23 август, два месеци откако го предводеше неуспешниот бунт против највисоките руски функционери, пишува Sky News.

Абортираниот бунт, за време на кој тој побара разрешување на министерот за одбрана Сергеј Шојгу, беше најголемиот предизвик за владеењето на претседателот Путин откако тој дојде на власт во 1999 година.

Русија соопшти дека ја потврдила неговата смрт во несреќа по ДНК анализа, но не ја открила причината.

Тој беше погребан на гробиштата во Санкт Петербург опкружен со семејството и пријателите, објави неговиот ПР тим.