Членовите на руската влада нема да имаат долги новогодишни празници, изјавил денеска рускиот претседател Владимир Путин додавајќи дека во моментов тие не може да си ги приуштат. „Наскоро почнуваат празниците и ќе траат долго време, луѓето треба да се одморат, имавме долг и заморен есенско – зимски период и на луѓето навистина им се потребни овие празници. Сепак, не можеме да приуштиме толку долго празнување и во Владата, барем не оваа година“, истакнал Путин на состанокот со членовите на владата. Путин позитивно ја оценил работата на членовите на владиниот состав во изминатата година и изразил надеж дека таквиот тренд ќе продолжи и во иднина. Рускиот претседател на своите колеги им посакал среќна Нова година и им се заблагодарил на заедничката работа, пренесува агенцијата „Тасс“.