Според статистичките податоци Египет ја надмина Кина како најголем купувач на руски производи. Во 2017 година, Египет увезе руски стоки во вредност од скоро 1,8 милијарди долари, што е за 44 отсто повеќе од претходната година.

Оваа земја е најголемиот купувач на пченица во светот поради високата потрошувачка на леб. Купува пченица од Русија, Украина, Франција и САД.

Русија неодамна ја зголеми вредноста на договорот за извоз на пченица поради рекордната жетва, а Египет е еден од нивните најголемите купувачи. Извозот на пченица во Египет во просек изнесувал од 4 до 5 милиони тони годишно, а веќе се очекува да достигне и до шест милиони тони. 

Москва и Каиро во моментов разговараат за можноста за учество на Русија во изградбата на инфраструктурата во Египет. Двете земји исто така ја разгледуваат и можноста за потпишување договор за слободна трговија. 

„Договорот може да ја зголеми трговијата и инвестициите“, рече рускиот премиер Дмитриј Медведев.

Да се потсетиме, во 2014 година, рускиот претседател Владимир Путин и египетскиот претседател Абделфатах ел Сиси се согласија за изградба на руска индустриска зона.

Многу водечки руски компании планираат да инвестираат околу 4,6 милијарди долари во градежништвото, а се очекува проектот да биде завршен во 2035 година.