Рускиот претседател Владимир Путин изјавил денес дека економската криза во Русија ја достигна највисоката точка.

„Достигнат е врвот на кризата“, рекол Путин на инвестиционата конференција во Москва.

Тој напоменал дека неговата земја не планира да го ограничи протокот на капитал.

Путин изјавил дека планираниот гасовод „Сверен тек 3“ нема за цел никој да исклучи од транзитот на овој енргент.

„Северен тек“ не е поврзан со украинскиот транзит и не му штети на никој“, рекол рускиот претседател и додал дека не треба да се политизира ова прашање.

Путин рекол дека тој проект треба да ги задоволи енергетските потреби на северна Европа, имајќи го предвид падот на производството во Велика Британија и Норвешка, како и истовремен раст на побарувачката во тој дел на Европа.

„Негавата цел апсолутно не е на некој да му се одземе шансата за транзит и јас би сакал да побарам да ги оставиме на страна тие политички шпекулации“, напоменал рускиот претседател.