На годишната прес-конференција во Кремљ, рускиот претседател Владимир Путин испрати остри критики кон Турција и со вулгарни зборови обвини дека турците го собориле авионот за да им се умилкуваат на САД.

"Ако некој од турските лидери решил да ги лиже Американците на одредено место, не знам дали тоа била правилна постапка или не, и не знам дали на Американците им треба тоа", остро рече Путин.

Рускиот лидер го објасна сценариото како Турција го соборила авионот, а за возврат Вашингтон  занемари влегувањето на нивните сили во Ирак.

Путин опширно објаснуваше и зошто не гледа перспектива во затоплувањето на односите со Турција и најави дека санкциите кон земјата и натаму ќе продолжат.

Претседателот рече и дека тешко е да постигне каков било договр со актуелното турско раководство што тој го обвинува за "постепена исламизација", поради која основачот на секуларната држава Кемал Ататурк би се превртувал во гроб.