Руската група Пуси Рајот на 24 декември објави ново антивоен спот. Песната на девојките, кои често ги опишуваат како модерни панкери, се вика „Мамо, не гледај телевизија!“. И на крајот од клипот, една од девојките уринира на портретот на рускиот претседател Владимир Путин.

Рефренот е заснован на зборовите на заробениот руски војник до неговата мајка: „Мамо, тука нема нацисти, не гледај телевизија“. Официјалниот руски дискурс вели дека Москва ја започна војната (таму наречена „специјална воена операција“) со задачи како што се „денацификација“ на Украина.

Оваа песна е практично и манифест, со кој Пуси Рајот поставува три барања до Западот: да одбие да купи руска нафта и гас и да продава оружје, да ги замрзне сметките и имотите на Запад на руските функционери и олигарси и да создаде меѓународен трибунал за војната, каде ќе му се суди и на рускиот претседател Владимир Путин.

Членовите на „Пуси Рајот“ како Марија Аљохина и Надежда Толоконикова беа осудени на две години затвор за настап во московската катедрала Христос Спасител во февруари 2012 година. Година и пол подоцна беа ослободени. Моментално не живеат во Русија.