Поедини земји во Европа, полека го враќаат нормалниот тек на животот. Австрија му покажува на светот на кој начин се укинуваат постепено вонредните мерки и живото се  става во нормала. Следната недела ќе бидат отворени продавниците и трговските центри, а потоа и кафулињата. Сепак, најновите бројки од Шпанија и Франција, но и Велика Британија, која само за едно деноноќие потврди речиси 1.000 починати, покажуваат дека патот до конечно решавање на пандемската криза и натаму е долг. Токму затоа владите на многу земји се уште ги замолуваат своите граѓани за трпение и да се придржуваат на рестриктивните мерки за изолација.

И Светската здравствена организација предупредува дека постои опасност од предвремено ублажување на мерките.

-Не е се уште време да се намалуваат рестриктивните мерки кои ги воведоа владите. Се уште е долг патот во овој маратон, и ниту една земја сама на може да се избори со пандемијата, ниту да ја запре. Таа борба мора да биде меѓународно усогласена, изјави Ханс Клуге, претставникот на СЗО за Европа.