Расте „црниот“ биланс во Мароко по земјотресот кој ја погоди земјата во петокот. 

Сега има над 2.600 жртви. Спасувачките екипи деноноќно работат на пронаоѓање евентуални преживеани под урнатините. Во земјата е прогласена тридневна национална жалост.

Особено е критично во ридската дивина на планинскиот масив Атлас, југоисточно од градот Маракеш. Во модерните градски населби, зградите направени од стакло и бетон,  преживеаја силен потрес од 6,8 степени според Рихтеровата скала. Но, таму каде што дното е направено од кал и камења, не е така. Во провинцијата Ал Хауз, каде беше епицентарот, ситуацијата е апокалиптична.

По 24 часа извлечен е жител на село од кое останале само урнатините. Првите жртви се веќе погребани. 

Маракеш е  туристичка дестинација. Овој град секојдневно има околу седумдесет летови. По земјотресот туристите масовно заминуваат. Во текот на годината во Мароко се очекуваа 13 милиони туристи, меѓу кои и над 4 милиони Французи.