Првите луѓе на Германија, Италија и Франција ќе разговараат за Брегзит. Тие ќе се соберат денеска за да разговараат за активностите во рамките на Европската унија по „Брегзит“, информираат светските агенции. Домаќин на средбата е италијанскиот премиер, Матео Ренци, а лидерите на водечките економии во еврозоната, Ангела Меркел, Франсоа Оланд и Матео Ренци се среќаваат во овој формат за втор пат по гласањето на Британците. Конкретни решенија денес не се очекуваат, затоа што целта на средбата е да се подготви база за претстојниот самит во Братислава. Според најавите Британија дури во 2019 година може да ја напушти унијата.