Гасоводот „Турски поток“, кој ќе пренесува 15,75 милијарди кубни метри руски природен гас до Турција годишно, ќе почне да функционира во 2019 година, соопштуваат регионални медиуми.

Во тек се преговори за втората линија на гасоводот за пренос на гас во Европа. 

Портпаролот на „Турски поток“ Сандер Ван Ростелар објаснил дека различни компании работат на различни делови од гасоводот и истакнал дека „Газпром“ е единствениот инвеститор во морската вода. 

На јавна дискусија со учество на голем број претставници на „Турски поток“ беше соопштено дека со напредокот на бродот „Паиниринг спирит“, кој вложува по четири километри цевки на ден по проектот за гасоводот, рускиот природен гас може да потече кон Турција во 2019 г . 

Веќе се положени околу 224 километри на една од цевките под морето, доближувајќи се до границата на руско- турската ексклузивна економска зона. 

Исто така се завршени околу 207 километри од другата цевка. Оваа цевка, исто така, се очекува да достигне ексклузивна економска зона до следната недела. 

Цевките што се користат за проектот се изработени од нерѓосувачки челик и дебели четири сантиметри. „Турски тек“, со вкупен капацитет од 31,5 милијарди кубни метри гас, ќе може да ги покрие потребите од природен гас од 15 милиони домаќинства. Откако ќе заврши, нафтоводот ќе пренесува течен природен гас еквивалентен на 370 танкери, според Daily Mail.