Светски познатиот музеј Лувр во Париз е затворен по грабежот за време на кој бил украден накит што им припаѓал на Наполеон и Жозефина Бонапарта, во вредност од милиони.

- Јас сум на местото на настанот, заедно со вработените во музејот и полицијата - изјави француската министерка за култура Рашида Дати по грабежот што се случи во музејот Лувр.

Грабежот во Лувр предизвика вонредна состојба во Париз и полицијата е насекаде.

Во меѓувреме, полициски извори изјавија за „Ле Паризиен“ дека „криминалците пронашле пристап до зградата на брегот на Сена“, каде што се во тек градежни работи.

Полицијата ги евакуира посетителите на музејот

- Тие користеа товарен лифт што води директно до целната соба. Откако ги скршија прозорците, двајца мажи влегоа, крадејќи девет парчиња од колекцијата накит на Наполеон и Жозефина - ѓердан, брош и друго - изјавија извори за „Ле Паризиен“.

French culture minister Rachida Dati confirms a robbery at the Louvre Museum in Paris.

No injuries reported, but the museum has closed for “exceptional reasons” as investigations continue.

What was stolen remains unclear. #Louvre #Paris pic.twitter.com/2Fk2vtwxn2

— BPI News (@BPINewsOrg) October 19, 2025

Фотографиите и снимките од местото на настанот покажуваат како панично евакуирани посетители на музејот, додека полицијата го блокирала просторот.

Маскирани мажи со моторни пили?

Француските медиуми известуваат дека тројца маскирани мажи влегле во Лувр кратко по неговото отворање утрово.

Се наведува дека користеле товарен лифт за да пристапат до галеријата Аполо, на страната на Сена од музејот.

Крадците, наводно, носеле мали моторни пили.

Побегнале со девет парчиња накит на скутер.