Не е само Џо Бајден препознатлив по зачестените гафови во јавноста, сега неговата сопруга Џил, обидувајќи се да ги пофали Латиноамериканците, направи невиден испад.

Првата дама на САД, Џил Бајден се извини што се обиде да им даде комплимент на Латиноамериканците велејќи дека тие се уникатни како „тако за појадок.“ Г-ѓа Бајден зборуваше во Тексас во понеделникот кога во говор ја спомна традиционалната мексиканска закуска. Националната асоцијација на шпанските новинари (NAHJ ) одговори: „Ние не сме тако“.

Во вторникот, нејзиниот секретар за печат рече дека на г-ѓа Бајден и е жал и се восхитува на латино заедницата. Нејзините коментари доаѓаат во време кога популарноста на претседателот Џо Бајден меѓу хиспанските гласачи опаѓа. Таа, исто така, погрешно го изговорила зборот „бодега“ - продавници познати како бодега често управувани од доминикански или порторикански трговци - како „богеди“.

Одговарајќи на Твитер, прес-секретарот на г-ѓа Бајден рече: „Првата дама се извинува што нејзините зборови пренесоа сè освен чисто восхит и љубов кон латино заедницата“.

- Не е ни чудо што Латиноамериканците бегаат од Демократската партија! - твитна американскиот претставник Енди Бигс, републиканецот од Аризона.

Една неодамнешна анкета на Quinnipiac покажа дека само околу една четвртина (26 проценти) од Латиноамериканците - клучен демократски гласачки блок - го одобруваат настапот на Бајден како претседател, што е помалку од 55 отсто една година порано. Додека ја водеше кампањата за претседател, Бајден беше исмејуван кога се обиде да им се додворува на гласачите со мексиканско потекло со играње Despacito, поп-хит на шпански јазик, на неговиот телефон.