На аеродромот во францускиот град Тулуз, денес треба да се случи првиот пробен лет на новиот Ербас А350, кој е директен конкурент на американскиот Боинг 787 Дримлајнер. Авионот е клучен во трката помеѓу Ербас и Боинг на светскиот авиопазар. Засега Ербас склучил договори за продажба на 600 од новите авиони, кои се поекономични во потрошувачката на гориво. Но, се уште заостанува зад Боинг 787, од кој се продадени 890 авиони по неговиот прв лет во 2009 година, иако експлоатацијата на американскиот авион ја следат серија проблеми. Двата авиони се направени од нови материјали за да се намали тежината. Од Ербас најавуваат дека првите авиони ќе се испорачаат следната година.