Првиот лек во историјата кој е пронајден за забавување на Алцхајмеровата болест треба да биде одобрен за употреба во Велика Британија.

Леканемаб е првиот лек во историјата кој ја забавува Алцхајмеровата болест и е откриено дека го забавува когнитивниот пад кај заболените за 27 отсто.

Овој лек се дава секоја втора недела интравенски, а ќе може да се препише и приватно.

Сепак, Европската агенција за лекови одби да му даде лиценца на овој лек откако беше утврдено дека несаканите ефекти ги надминуваат позитивните ефекти на лекот. Еден од несаканите ефекти е крварење во мозокот.

Што е Алцхајмерова болест?

Алцхајмеровата болест (АД) е дегенеративно пореметување на мозокот во средините или доцните години од живот и ги уништува невроните и врските во церебралниот кортекс што доведува до значително губење на масата на мозокот. Денес се смета за главна причина за сенилна деменција (60% до 70% од случаите), која некогаш се сметала за нормална состојба во староста.