Новите разузнавачки информации сугерираат дека проукраинска група извршила напад врз гасоводите „Северен тек“ минатата година, пишува „Њујорк тајмс“ и додава дека ова е чекор кон утврдување на одговорноста за саботажа на рускиот гасовод.

Во исто време, американските власти тврдат дека немаат докази дека украинскиот претседател Володимир Зеленски или неговите најблиски соработници биле вмешани во оваа операција.

Сепак, се посочува дека останува отворена можноста нападите да ги извршиле лица поврзани со украинските власти.

Според разузнавачките податоци на американските служби, експлозивот на гасоводите најверојатно бил подметнат од искусни нуркачи кои не се поврзани со армијата или специјалните служби, пишува американскиот весник, наведувајќи дека државјани на Велика Британија и на Соединетите Американски Држави не учествувал во нападот.

Нема докази дека украинскиот претседател Володимир Зеленски или неговите врховни поручници биле вклучени во операцијата, или дека сторителите дејствувале по налог на кој било функционер на украинската влада, пишува весникот, повикувајќи се на американски официјални претставници.

Ројтерс не можеше независно да го потврди извештајот, а американските официјални лица не можеа да се контактираат за коментар. Претставниците на Киев и Москва исто така беа недостапни.

Соединетите Држави и НАТО ги нарекоа нападите на гасоводите во септември 2022 година како „чин на саботажа“, додека Москва го обвини Западот и го повика Советот за безбедност на Обединетите нации самостојно да истражи. Ниту една страна не презентираше докази.

Разузнавачкиот преглед сугерира дека кој и да ги извршил нападите се спротивставил на рускиот претседател Владимир Путин, „но не ги прецизирал членовите на групата, ниту кој раководел или платил за операцијата“, пишува Тајмс.