Екскалираат протестите во Турција кои од револт против уништувањето на зеленилото на главниот плоштад Таксим во Истанбул, синоќа по интервенцијата на полицијата се проширија во други десет градови и прераснаа во антивладини протести, јавуваат локалните медиуми. Учесниците на протестите негодуваат поради острите реакции на полицијата, осудувајќи ја и владата за силниот одговор. Во знак на солидарност кон демонстрантите од Истанбул, околу 5.000 луѓе се собрале во парк во центарот на Анкара извикувајќи слогани против владата. Сепак судот синоќа донесе одлука дека сечењето на дрвата привремено ќе се стопира.