Набргу по почетокот на преговорите за мирно регулирање на конфликтот во Сирија, кои се одржуваат под покровителство на ОН во Женева, специјалниот претставник на генералниот секретар на ОН Стефан Де Мистура објави дека процесот на преговори е прекинат.

Тој нагласи дека преговорите не се пропаднати, а се наоѓаат "во пауза" до 25 февруари, соопшти AFP.

Де Мистура истакна дека процесот на преговори има потреба од итна поддршка од страна на меѓународните сили, особено од онаа на Русија и САД.

"Стигнав до заклучок дека по првата недела на преговорите се појави уште повеќе работа не само за нас, туку и за заинтересираните страни", рече тој.

Претставникот на ОН потсети дека од првиот ден настојувал "да не се зборува, само поради разговорот." Амбасадорот увери дека тоа "не е крај и неуспех на преговорите".

Во исто време Reuters соопшти дека шефот на делегацијата на сириската влада во Женева Башар Джафари изјавил дека специјалниот претставник на ОН Де Мистура ги прекинал преговорите поради желбата на претставниците на опозицијата да ги напуштат.

Во меѓувреме стана јасно дека Русија инсистира за максимално широка застапеност на умерената сириска опозиција на новата рунда преговори, кои се планирани на 25 февруари.

"Курдите, како претставници на вистинска сила со политичко и воено влијание, контролиран значителен дел од сириската територија, имаат полно право и се должни да учествуваат во преговарачкиот процес и процесот на донесување одлуки, кои се поврзани со одредување на идниот развој на Сирија", рече Гатилов.

Русија смета дека учесниците во Меѓународната група за поддршка на Сирија, која ќе се собере на 11 февруари во Минхен, ќе се искажат за продолжување на преговарачкиот процес и нема да бидат пречка за него, додаде тој.

Прекинувањето на меѓусириските преговори во Женева нема да им попречат на напорите на Русија во борбата против тероризмот во Сирија, рече тој. Ова се две сосема различни прашања и ние постојано сме изјавувале дека приоритетно прашање за нас и пред сè за сириските власти - тоа е борбата против тероризмот ", истакна тој. Затоа ние секогаш сме велеле дека оваа борба ќе продолжи", посочил Гатилов .

Од своја страна, американскиот државен секретар Џон Кери изјави дека офанзивата на сириската армија поддржана со руски воздушни напади, го става под закана политичкиот процес за решавање на конфликтот во Сирија во денот на прекин на меѓусириските преговори во Женева.

Офанзивата поддржана со руски удри во областите контролирани од опозицијата, јасно ја покажува желбата да се бара повеќе воено решение отколку политичко, ги обвини Џон Кери во соопштението Дамаск и Москва.

„Ги повикуваме режимот и оние кои го поддржуваат, да престанат бомбардирањата во областите контролирани од опозицијата, и поконкретно во Алепо“, инсистираше американскиот министер за надворешни работи. Тој ги повика Москва и Дамаск да ги исполнат своите обврски и да ја обноват довербата на меѓународната заедница, дека работат за мирно решавање на сириската криза.