Анџело Онорато, сопруг на европратеничката Франческа Донато, е пронајден мртов во својот автомобил во Палермо. Телото го пронашле Франческа и нејзината и ќерката на Анџело, Каролина.

Иако прво постоеја сомнежи дека овој познат бизнисмен и сопруг на политичарката си го одзел животот, сега се верува дека е убиен.

Татко ми е убиен, не кренал рака на себе“, тврди Каролина (20).

Италијанските медиуми пишуваат дека Анџело имал некаква изолир лента околу вратот.

„Тато не е човек што би го оставил семејството и да дозволиме да го најдеме вака. Тој не се самоуби, тој беше убиен“, тврди ќерката.

Како што пренесуваат медиумите, телото било во автомобил паркиран недалеку од нивната куќа, а Франческа и нејзината ќерка го нашле откако загрижено го лоцирале телефонот на Анџело.

Покрај тоа што имал завиткана лента околу вратот, наводно имал и крвна дамка на кошулата.

Извор од истрагата наведува дека Анџело пред да излезе од куќата и рекол на Франчески дека имал средба со некој од Капачи.

Откако тој не се вратил, Франческа го пронашла неговиот мобилен телефон и таа и нејзината ќерка подоцна го нашле мртов во автомобилот.

Извор: Курир

Фото: ЕПА