Бизнисите во Русија и Америка го гарантираат најдобро прво полугодие во корпоративната историја на германски козметички концерн Beiersdorf со седиште во Хамбург .

Оперативната добивка се зголемила за првите шест месеци од годината со 12,4 отсто на годишно ниво до 508 милиони евра, појасни котираниот во индексот Dax производител. Ова е најдобар резултат за првите шест месеци од годината, појаснува компанијата.

Приходите скокнаа со 7,3 отсто до 3,4 милијарди евра, органскиот раст е од 1,4 отсто. Чистата добивка изнесува 348 милиони евра - малку повеќе од пред една година.

По воздржаниот почеток на годината козметичките единици со брендови како Nivea, Eucerin и La Prairie што забележаа пад во регионот Азија / Африка / Австралија пред сè поради послаба продажба во Кина, сега го тераат шефот на одборот на директори Штефан Хаиденраих да се насмевне пошироко. "Во последниве месеци Beiersdorf постојано ја зголемуваше својата сила", изјави тој, цитиран од DPA.

Во Европа приходите се стабилизираа и покрај тешките пазарни услови. Во Западна Европа сепак има пад од 1,4 отсто, а во Источна Европа е постигнато зголемување од 6,4%.

Силни стапки на раст беа постигнати особено во Русија. Beiersdorf ги истакна и успесите во Северна и Јужна Америка, особено во Бразил, каде производите од Хамбург се прифатени многу добро. А исто така и во Африка, Азија, Австралија , Beiersdorf постигнува раст на продажбата од 0,6%, додека бизнисот во Кина се стабилизирал.