Во интервјуто за документарниот филм „Тајните на Бермудскиот триаголник“, кој првпат се емитуваше во 2019 година, Ник Хачингс тврди дека мистеријата на Бермудскиот триаголник може да се реши преку геологијата.

Според Encyclopedia Britannica, оваа мистериозна триаголна област во северниот дел на Атлантскиот Океан проголтала повеќе од 50 бродови и 20 авиони кои исчезнале без трага.

Познат и како „Ѓаволски триаголник“, првите извештаи за исчезнувања датираат од 19 век, но Хачингс вели дека ништо од тоа нема никаква врска со натприродни сили или вонземјани.

Тој во 60-минутниот документарец објасни:

„Бермудите во основа се морска планина, тоа е подземен вулкан. Пред 30 милиони години се издигна над морското ниво. Сега е еродиран и останавме со врвот на вулканот. Имаме неколку примероци со магнетит. Тоа е најмногу магнетен природен материјал на Земјата“.

Мистеријата на Бермудскиот триаголник повеќе не е мистерија

Хачингс направил експеримент во документарецот каде што донел мало парче од овој примерок до компас, чија игла целосно полуде и ја оневозможи навигацијата.

„Можете само да замислите како мораше да им беше на старите морнари кои минуваа Бермуди. Сигурно беше вознемирувачко.

Тоа би значело дека сите се едноставно изгубени и дека нема голема мистерија, а има и такви кои велат дека процентот на исчезнати луѓе не е толку висок во споредба со некои други делови од океанот.

Научникот Карл Крушелнички рече дека овој дел е блиску до Екваторот и богат дел од светот, па затоа е многу зафатен.