Нејзината смрт предизвика големи протести на улиците во Иран, први откако властите ги разбија протестите против покачувањето на цената на бензинот во 2019 година

Припадниците на иранската полиција и безбедносните сили денеска се судрија со демонстрантите во неколку градови низ земјата кои продолжуваат да протестираат поради смртта на младата Иранка Махса Амини во полициски притвор, објавија државните медиуми и објавено е на социјалните мрежи.

This is a revolt of Iranian granddaughters against the grandfathers who have been ruling their country. In Mashhad, Shiite holy city and hometown of 83-year-old Supreme Leader Khamenei.  pic.twitter.com/pRcTOkPEm3

— Karim Sadjadpour (@ksadjadpour) September 22, 2022

Амини (22), девојка од иранската провинција Курдистан, падна во кома и почина во притвор во Техеран минатата недела, откако беше уапсена од моралната полиција поради непочитување на правилата за носење хиџаб, објави Ројтерс.

Нејзината смрт предизвика големи протести на улиците во Иран, први откако властите ги разбија протестите против покачувањето на цената на бензинот во 2019 година.

И покрај тоа што бројот на жртви секојдневно се зголемува и властите ги разбиваат немирите, видеата објавени на Твитер покажуваат дека демонстрантите повикуваат на пад на верските власти додека се судираат со безбедносните сили во Техеран, Табриз, Карај, Јазд и многу други ирански градови.

Young women risked their lives by removing their compulsory headscarves today in Yazd, known as a religious city in #Iran, on September 26. #MahsaAmini #OpIran # # pic.twitter.com/x7EKAGXrL7

— Hadi Ghaemi (@hadighaemi) September 26, 2022

Државната телевизија објави дека полицијата се судрила со, како што ги нарече, „немирните“ во некои градови и употребила солзавец за да ги растера.

Видеата објавени на социјалните мрежи од внатрешноста на Иран покажуваат дека демонстрантите извикуваат „Жена, живот, слобода“, додека жените мавтаат и ги палат нивните превези.

На видеата на Твитер, може да се видат демонстранти како извикуваат „Смрт за диктаторот“ во градот Табриз, повикувајќи се на иранскиот врховен водач, ајатолахот Али Хамнеи.

Во курдските градови Санандај и Сардашт, полицијата пукаше врз демонстрантите, како што може да се види на видеата на Твитер.

Неколку универзитетски професори поднесоа оставка во знак на протест поради смртта на Амини, според нивните изјави објавени на социјалните мрежи.

Студентите на неколку универзитети одбија да учествуваат на часовите во знак на протест против големите апсења на студенти и судирите со безбедносните сили на универзитетот.

Ројтерс не можеше да ги потврди видеата на социјалните мрежи и извештаите за оставките.

Фото: Твитер/Screenshot