167 тони радиоактивна вода истекле од подземните резервоари на нуклеарната  централа „Фукушима“, загадувајќи го околното земјиште, соопшти денеска претпријатието „Токио Електрик Пауер Компани“ (ТЕПКО).

Досега истечената вода е само 1,5 проценти од вкупниот капацитет на резервоарите на нукеларката, пишуваат јапонските медиуми. Според компанијата, радиокативната вода засега останува во почвата околку нуклеарката и не достигнала до океанот кој се наоѓа на околу 800 метри одалеченост. Радиоактивноста на водата е проценета на 5.900 бекерели на сантиметар кубен.

ТЕПКО претпладнево соопшти дека вода, која служи за ладење на реакторите, почнала да истекува од еден од седумте резервоарите на централата, а причината за истекувањето не е позната.

„Фукушима“ доживеа хаварија за време на земјотресот и ударот на цунами бранот во март 2011 година.