Чешката полиција привела 16 бегалци христијани Ирачани, кои Чешка ги примила на иницијатива на добротворните организации.

Уапсени се на неколку км од границата со Германија и опоменати се дека штом го одбиле азилот во Чешка, нема да добијат ни во Германија. Министерот за внатрешни работи, Милан Хованец потврди дека се уапсени на 8 км од границата со Германија. Пред две седмици ист таков случај имаше со 25 мигранти кои Чешка ги примила.

На бегалците им е објаснето дека штом го одбиле азилот во Чешка, можат во рок од три дена да се вратат во родната земја, а во Германија не можат да одат со привремени чешки документи затоа што тоа е нелегално. Уапсени се и двајца возачи кои сакале илегално да ги однесат бегалците во Германија.