Претседателот на Кипар Никос Анастасиадис, побара оставка на шефот на централната банка Христала Георгхаџи, откако се дозна дека нејзиниот сопруг работел како адвокат на грчки бизнисмен кој се суди со кипарските власти за случајот на банкрот. Според законодавството на Кипар, Претседателот нема право да го разреши шефот на централната банка, кој пак може да одговара пред директорот на Европската централна банка Марио Драги. Според грчките медиуми, претседателот Анастасиадиас веќе гo известил Драги за случајот со Георгхаџи. Георгхаџи стана шеф на централната банка на Кипар пред една година и го замени Паникос Деметриадес, кој беше критикуван за недоволно добро вршење на својата функција.