Американскиот претприемач и милијардер Илон Маск го повика претседателот на Украина Володимир Зеленски да избегне голема закана за целиот свет поради конфликтот со Русија

Откако Макс на Твитер објави дека се сомнева во можноста Украина да победи во случај на сеопфатна војна со Русија и го предложи својот став за решавање на конфликтот, што предизвика остри реакции и огорченост од украинската страна, како одговор Зеленски објави анкета меѓу корисниците на Твитер со прашање кој Илон Маск повеќе им се допаѓа - „оној што ја поддржува Украина или Русија“.

Ukraine-Russia Peace:

- Redo elections of annexed regions under UN supervision. Russia leaves if that is will of the people.

- Crimea formally part of Russia, as it has been since 1783 (until Khrushchev’s mistake).

- Water supply to Crimea assured.

- Ukraine remains neutral.

— Elon Musk (@elonmusk) October 3, 2022

„Сè уште ја поддржувам Украина, но сигурен сум дека масовната ескалација на војната ќе предизвика голема штета на Украина, а можеби и на целиот свет“, напиша Маск во коментарот на објавата на Зеленски.

Which @elonmusk do you like more?

— Володимир Зеленський (@ZelenskyyUa) October 3, 2022

Ставот на извршниот директор на Spacex, мултимилијардерот Илон Маск, за да се реши војната меѓу Русија и Украина, предизвика бурни реакции на Твитер, а на најавите на Маск реагираше и претседателот на Украина Володимир Зеленски.

Маск изјави дека е неопходно да се повторат изборите во регионите кои се изјаснија за приклучување кон Русија, под надзор на Обединетите нации, па ако народот изрази волја Русија да си замине, така нека биде.

Крим, како што напиша, формално останува дел од Русија, како што беше од 1783 година, односно до, како што смета Маск, „грешката на Никита Хрушчов“.

Тогаш, како што изјави, „водоснабдувањето на Крим е обезбедено, а Украина останува неутрална“.

Let’s try this then: the will of the people who live in the Donbas & Crimea should decide whether they’re part of Russia or Ukraine

— Elon Musk (@elonmusk) October 3, 2022

За помалку од два часа, Маск доби повеќе од милион одговори, а мнозинството не се согласува со неговото мислење за можниот исход. Маск ги обвини ботовите за таквиот резултат од гласањето.

Фото: Youtube - screenshoot - колаж