Премиерката на Нов Зеланд, Џасинда Ардерн најави дека ќе поднесе оставка од функцијата што ја извршува до 7 февруари. При потврдувањето на националните избори во октомври, Ардерн рече дека нема моќ повторно да се кандидира и дека не може да го продолжи лидерството бидејќи, како што истакна, ги исцрпиле своите сили.

Таа ќе поднесе оставка од лидерската функција во Лабуристичката партија најдоцна до 7 февруари и во наредните денови ќе се гласа за утврдување на нејзината замена.

„Се надевав дека ќе го најдам она што ми требаше да продолжам во следниот период, но за жал не го направив тоа, и ќе му направам лоша услуга на Нов Зеланд ако да продолжи. Јас сум човек, политичарите се луѓе. Даваме се што можеме онолку долго колку што можеме“, изјави Ардерн.

Ардерн стана најмладата жена шеф на влада во светот кога беше избрана за премиер во 2017 година на 37-годишна возраст. Таа го водеше Нов Зеланд низ пандемијата „Ковид-19“ и големите катастрофи, вклучително и терористичкиот напад на две џамии во Крајстчерч, како и големата вулканска ерупција.

На прашањето како би сакала Новозеланѓаните да го паметат нејзиното лидерство, Ардерн рече дека отсекогаш сакала да биде запаметена како премиерка која секогаш се трудела да биде љубезна.

„Се надевам дека ќе ги оставам Новозеланѓаните со верба дека можете да бидете љубезни, но силни, сочувствителни, но решителни, оптимисти, но фокусирани. И дека можеш да бидеш свој лидер - кој знае кога е време да си оди“, рече Ардерн.