Најмалку 60 луѓе загинаа во Судан кога браната Арбат на истокот на земјата пукна поради обилните врнежи.

Се претпоставува дека бројот на жртвите е поголем, јавува Би-би-си, додавајќи дека браната Арбат има капацитет од 25 милиони кубни метри и е главен извор на вода за пиење за крајбрежниот град Порт Судан, каде што е сместена воената влада. .

Поради обилните дождови, десетици илјади луѓе ги напуштија своите домови, а пукањето на браната е, се наведува, само еден од инцидентите. Спасувачите од воздух се обидуваат да ги спасат луѓето кои останале заробени откако побарале засолниште во планините, пишува локалниот весник Мердамек.

لحظة انهيار سد أربعات في #بورتسودان -شرق #السودان.
حسب المعلومات الاولية يوجد مفقودين بسبب جرف البيوت و الحقول .
السد كان يعاني من كسر منذ ايام .
لا حول و لا قوة الا بالله .#Sudan pic.twitter.com/a7K4j5sEIk

— طقس_العالم (@Arab_Storms) August 26, 2024

Директорот на Државната управа за вода на Црвеното Море, Омар Иса Тахир, за локалниот сајт за вести Ахбар изјави дека поплавата „ја збриша целата област“.

Во објава на Фејсбук, војската ги повика сите „федерални и државни агенции да ги искористат сите можности да им помогнат на граѓаните во овие региони и да им пружат поддршка и помош“.

Би-Би-Си додава дека Судан е опустошен од војна од минатиот април кога избувнаа борби меѓу паравоената група Сили за брза поддршка (РСФ) и суданската армија.

Браната Арбат е изградена во 2003 година за собирање на дождовницата за употреба во сушната сезона, но таа не се одржува со години. Милиони луѓе беа принудени да ги напуштат своите домови, неколку земји прогласија глад, а екстремните временски услови само го влошуваат недостигот на храна.

(B92)