Откако на почетокот на минатата недела силниот земјотрес ги погоди Турција и Сирија и однесе над 40.000 животи, оваа недела се стресе и Балканот. Поточно, земјотреси со јачина од 5,3 и 5,6 степени ја погодија Романија, а беа почувствувани и во соседна Србија.

Милош Миленковиќ од Дирекцијата за противпожарни и спасувачки единици на МВР на Србија гостуваше во емисијата „Њузнајт“ на N1 Србија и објасни што и како да се прави во случај на земјотрес.

„Одделението за вонредни состојби пред неколку години креираше Семеен прирачник за одговор во вонредни ситуации и тој е јавно достапен, а содржи упатства како да се однесуваме при земјотрес. МВР спроведува низа превентивни активности за да ги подготви нашите граѓани да бидат максимално подготвени да реагираат во случај на опасност“, вели Миленковиќ.

Тој изјави дека во изминативе денови во јавноста се појавиле неколку упатства што и како да се прави во случај на земјотрес, па МВР реши да излезе со официјално соопштение за да испрати веродостојни информации до граѓаните.

Тој посочува дека упатствата важат во одредени делови од денот, но напоменува дека земјотресите во Турција и Сирија се случиле во текот на ноќта, па нормално е дека се забораваат манирите на однесување.

„Доколку има земјотрес треба да останеме смирени и да не дозволиме да не обземе паника. Безбедно засолниште треба да се најде во затворен простор. Но, не смееме да стоиме под стаклената површина, а бандерите се безбедно засолниште. Треба да внимавате на висечките елементи, лустерите можат да бидат отежнувачки фактор“, рече Миленковиќ.

Тој нагласува дека во случај на земјотрес не смеат да се користат лифтови и скали, бидејќи сите последователни афтершокови можат да загрозат животи.

Фото: Твитер принтскрин